Ingibjörg Sólrún gengur gegn grasrótinni!

Þetta er víst það sem eitt sinn var kallað hið stjórnlynda lýðræði. Þrátt fyrir að fjölmennur fundur Samfylkingarfólks hafi í gær samþykkt ályktun um stjórnarslit þá vill Ingibjörg Sólrún halda samstarfinu áfram að minnsta kosti til vors. Þrátt fyrir að þúsundir manns hafi öskrað sig hása með slagorðinu "vanhæf ríkisstjórn" þá telur Ingibjörg Sólrún rétt að stjórnin sitji áfram.

Svo koma sömu þingmenn Samfylkingar sem í gær samþykktu ályktun um stjórnarslit fram í fjölmiðlum í dag og vilja lýsa yfir stuðningi við ríkisstjórnina.Það er ekki nóg að kjósa í vor. Þetta er vanhæf ríkisstjórn sem hefur fengið sinn tíma án þess að nota hann. Sá tími er liðinn.

Allir á Austurvöll á laugardag klukkan þrjú.

Ingibjörg vill kosningar í vor

Hvernig gat þetta gerst?

Hvernig gat það gerst að ótýndir skúrkar og bófar náðu að sölsa undir sig bankana og koma þjóðinni  á vonarvöl með sviksamlegum viðskiptum?  Þetta er spurning sem margir hafa velt fyrir sér.

En hvernig í ósköpunum má það vera að sömu menn eru enn á kafi í íslenskum fyrirtækjum og fjármálaumsýslu?

FME rannsakar hlutabréfakaup

Slæmar fréttir og góðar

Auðvitað eru pólitískar ráðningar í stjórnkerfinu ekki einsdæmi (frekar regla). Auðvitað vita líka allir hvernig pólitíkusar hafa notað áhrif sín til að þagga niður í fólki.
Vondu fréttirnar eru þær að enn virðist til fólk sem ver svona stjórnarhætti.
Góðu fréttirnar eru þær að þeim fer fækkandi sem verja slíkt.
Betri fréttir að fleiri og fleiri eru að átta sig á því að pólitísk spilling og óhæfir embættismenn er mein í þjóðlífinu sem þarf að uppræta ef okkur á að takast að komast upp úr kreppunni.
Enn betri fréttir að það styttist í kosningar þar sem Sjálfstæðisflokkur fær makleg málagjöld.
Allra bestu tíðindin að aldrei aftur ætlum við að fá í ráðherrastól spillta hrokagikki.

Guðlaugur kemur af fjöllum

Komst skríllinn inn í Alþingishúsið?

Svo virðist vera ef marka má þessa frétt.

Mótmælt við Alþingishúsið